Himalayan dagoen Mera Peak mendia igo du Argia Urrutia berriatuarrak bost emakume osatutako espedizioan.Everest mendiaren hegoaldean dago Mera Peak (6.476m) mendia, Nepalen.
Nepal nun dagoen ikusteko klikatu hurrengo loturan
NEPAL MUNDUKO MAPAN
Nahiz eta, Marruecos eta Alpeetako mendietan egona izan, Asiako herrialde horretara joatea
beti izan du amets Argiak, eta paraje eder haiek ezagutzeko gogoa. Oraingoan, mendihandi
batera egin duen estreinako espedizioan parte hartzera joan da.
Bost lagunekin joan zen Nepalera, denak emakumeak. Honez gain, bi gida eta 3
porteadore izan dituzte bidai guztian laguntzaile. “Ni nintzen nagusiena, seme-alabak
dituzten amak bi ginen, denok langileak baita, baina nibel handiko kirolariak ziren beste
kideak. Trekkinean gindoazela atentzioa deitzen genuen, bidean gurutzatzen genituen
askok esaten baitziguten ez zeudela ohituta bost emakumez osatutako espedizioa
ikustera” azaldu du berriatuarrak. Hamabost egun egin dituzte Nepalen.
Espedizoko lehen egunak gogorrak izan zirela azaldu du, mendira hurbiltzeko
trekkineko lehen hiru egunak euritan egin zituztelako. Lodge-tara (aterpe) hedu eta
gure arropa sikatzea izaten zen lehentasuna, bertako aterpeak ez dute zerikusirik
hemengokoekin. “Janari aldetik arroza era desberdinetara jateko aukera izaten genuen
egunero, barazki edo lentejakin, eta arraultza ta patatak be gustora jaten genituen.
Fruta faltan botatzen genuen, baina ez zegoen” kontatu digu Argiak. Eguraldi
iragarpenak hala behartuta, bertako girora moldatzeko aldia laburtu behar izan zuten,
gailurra egin ahal izateko aukera izate aldera. Goiko kanpalekura ailegatu zirenean
argitu zen eguraldia (5.800m) eta tontorra lortzen saiatzeko aukera eduki zuten.
Bostetik hiruk lortu zuten tontorrera ailegatzea. Aurreko egunetan elur asko bota zuen,
eta hori dala eta, pare bat espedizio handiren atzetik irtetzea erabaki genuen
goizaldean, espedizio bat 11 errusiarrez osatuta zegoen, eta bestea 8 bat ucranianoz.
Altueraren ajeak nabaritu zituen nire organismoak: buruko mina, zorabioa,… oxigeno
ezaren eraginak. Eguzkiak ere bere presentzia izan zuen Argiangan, aurpegia eta
ezpainak errez.. Han goitik, Manaslu, Everest, Cho Oyu, mendi asko izan genituen
parez pare bistan.
Esperientzia gogorra bezain polita izan dela mendi handi batera egin duen estreinako
espedizioa, zailtasun teknikorik gabekoa izan arren. Himalaya, beste liga bat da!. Oso
nekatuta bueltatu dela dio, baina gustora bizitakoagaz, lan talde ederra sortu
dutelako… eta burua martxan dutela hurrengo urteetara begira.
Nahi baduzue bideo bat ikusi klikatu hurrengo loturan.